مشكلة في الانستقرام

instagram-logo

بسم الله الرحمن الرحيم

برنامج الانستقرام من اكثر برامج التواصل الاجتماعي اللي قاعدين نستخدمها هالايام، طبعا في معلومه يمكن ماتعرفونها ان برنامج الانستقرام نزل حق اجهزة الايفون بشهر اربعه 2012 ونزل حق نظام الاندرويد المهمش بهذاك الوقت بشهر عشره 2013 (ياحرااااااام).

يعني الشركة او الاشخاص اللي كانوا مسوين البرنامج ماحترموا نظام الاندرويد الا بعد 18 شهر (يفهمون)

المهم

مثل ماقتلكم بالانستقرام عن المشكله، طبعا في ناس راحت و سوت لها اكاونت يديد بسبب موضوع ان الاكاونت قفل و موراضي يرجع، ادش عالبرنامج تحط لايك او تعليق يدخلك على صفحه عشان تحط رقم تلفونك و يدزولك مسج و تفعل الحساب مره ثانيه، طبعا مايوصل مسج، و هذي المشكله اللي صايره.

طيب شالحل؟

حلو، سألتوني شالحل.

الحل يامحفوظين السلامه، لما تييك الصفحه اللي تحط فيها رقم تلفونك عشان توصلك الرساله، حط رقم شخص تعرفه يكون موجود بأمريكا، توصله الرساله، يعطيك الرقم، وتفعله وبس.

طيب اذا ماعندك واحد بأمريكا شلون؟

الحل بسيط، تعرف على واحد يبي يروح امريكا.

لالا اتغشمر معاكم.

الحل الله يسلمكم ان الرقم اللي تستخدمونه حق تفعيل الحساب مايكون من شركة زين ولا فيفا، تحط رقم وطنية واحد تعرفه و بعدها توصله الرساله وتاخذ الرقم و تفعل الحساب وبس.

طيب اذا ماعندك احد خطه وطنية؟

الحل وايد سهل. روح اشتر خط  وطنية ولاتقفلها علينا عاد.

شاهد أيضاً

MovieBox in IOS على اجهزة التفاحة

بسم الله الرحمن الرحيم طريقة تثبيت برنامج ال MOVIEbox على انظمة التفاحه مثل الايفونات و …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *