حسابين للانستقرام في جهاز واحد

بسم الله الرحمن الرحيم

يعطيكم العافية

حاب اليوم اتكلم عن فكرة يحتاجها وايد ناس اتوقع خصوصا اللي عندهم بزنس

البرنامج اللي راح اتلكم عنه اهو برنامج الانستقرام … ماتوقع ان البرنامج محتاج حق شرح او توضيح، الكل قاعد يستخدمه و متمكنين منه.

فكرة الشرح هذي

شلون احط اكاونتين في جهاز واحد، مع رفع الصور بالاكاونتين او بالحسابين

راح نحتاج اكثر من برنامج عشان نسوي هالشغله

البرنامج الاول طبعا اهو برنامج instagram

البرنامج الثاني اهو برنامج   instagrab هذا البرنامج سعره دولارين ويسوون عليه عرض مجاني بين فتره وفتره

والبرنامج الثالث اهو برنامج instapload وهذا البرنامج سعره دولار واحد وليلحين ولا مره صار عليه عرض ابلاش

مع بعض البرامج المساعده اللي حاطها بشرح الفيديو

في البداية نفرض ان عندنا الحين حسابين بالانستقرام … شنو الحساب اللي تحتاج انك ترفع صور في اكثر؟

الجواب عندكم طبعا

هذا الحساب حطه في برنامج الانتسقرام العادي اسهل واريح

الحساب الثاني راح انحطه في برنامج ال instagrab 

ليش هالبرنامج بالذات؟

لان هالبرنامج تقدر تسوي منه لايكات و تكتب تعليقاتك و هم تقدر تسحب الصور والفيديوات اذا تبي.

بس في مشكلة وحده اهي انك ماتقدر ترفع الصور منه.

شلون تحل المشكله؟

باستخدام برنامج ال instapload

مثل ما اهو واضح بالفيديو، طريقة استخدام البرنامج و نسيت اذكر بالفيديو ان من البرنامج تقدر تسحب الصور و الفيديوات بعد.

وهم ذكرت بالفيديو نقطه مهمه وايد اهي ان برنامج ال instapload مايعدل الصور، يضغطها وتطلع بطريقه مو حلوه، بهالحال في وايد برامج يحلون هذي المشكله و انا اخترت برنامج عشوائي و سويت عليه الشرح.

اي استفسار حياكم

اي ملاحظة حياكم

اي تعديل على اي معلومة قلتها او كتبتها مشكورين مقدما، راح تفيدني وتفيدكم

وسامحوني اذا في بدليات وايد :p